Joe Blog

’n Vyfster Rooitapytgeleentheid, aangebied deur ontbytSAKE op kykNET, wat bekendes in die vermaaklikheidsbedryf, smulleker geregte en ’n musiekvertoning insluit.
By dié geleentheid gee ontbytSAKE by uitstek erkenning aan uitnemende klein- en groter sakeondernemings, maar dit sluit ook vermaaklikheidstoekennings aan ons gewildste ateljeegaste en uitstaan-oomblikke in, want ontbytSAKE is daar om kykers te vermaak, maar ook om aan besighede bekostigbare nasionale blootstelling te bied.
“Ons Mense. Ons Besighede. Ons Trots!”
Datum: Donderdag, 30 Mei 2024 (net na verkiesingsdag en voor naweek)
Registrasie: 16:00 – 17:00 (Deure sluit om 18:00 vir verfilmingdoeleindes)
Rooitapyt en fotos: 16:00 – 17:30
Plek: Maslow Hotel, Time Square, Pretoria
Drag: Streng formeel (Strikdas/Aandrok)
Programhoogtepunte

Rooitapyt-onderhoude en fotosessies
Professioneel saamgestelde toekenningsvertoning
Vermaak deur bekende kunstenaars, saamgestel deur die bekroonde Willie Venter
Smullekker driegang-maaltyd met wyn
Kuier voor en na die funksie op swembaddek (kontantkroeg)
Spesiale media-sessie vir al die wenners

Wat maak die Toekennings uniek

Eerste Toekenningsaand in ontbytSAKE se 24-jaar bestaan
Besigheid- en vermaaktoekennings word gekombineer
… en dan is daar ’n eerste-ooit in Suid Afrika wat die aand gaan plaasvind gedurende ’n toekenningsgeleentheid!

Moenie dié spoggeleentheid misloop nie! Dit beloof ook om ‘n uitstekende sosiale netwerkgeleentheid te wees!
Die ontbytSAKE-span sien uit daarna om u te verwelkom by wat beloof om ’n besondere aand te wees.